به گزارش خبرنگار سایت افغانستان خبرگزاری فارس، «عبدالله عبدالله»، رییس شورای مصالحۀ ملی در سفر به تاجیکستان، با «محمدطاهر ذاکرزاده»، رییس مجلس نمایندگان این کشور، دیدار و گفتگو کرد.
در این دیدار، دربارۀ روند صلح، روابط دوجانبه و حمایت منطقه‌ای از صلح افغانستان، گفت‌وگو شد.
صبح امروز عبدالله عبدالله، رییس شورای عالی مصالحه‌ی ملی در ادامه‌ی سفرهای منطقه‌ای خود به تاجیکستان سفر کرده است، عبدالله را در این سفر یک هیأت بلندپایه دولتی همراهی می‌کند.
بر اساس اعلام سپیدار، عبدالله برای جلب حمایت از تلاش‌های صلح و تقویت اجماع منطقه‌ای در حمایت از صلح به دعوت رسمی تاجیکستان، عازم شهر دوشنبه، پایتخت آن کشور شده است.
عبدالله در جریان این سفر قرار است با امام‌علی رحمان رییس‌جمهور، قاهر رسول‌زاده نخست‌وزیر، محمدطاهر ذاکرزاده رییس مجلس نمایندگان و سراج‌الدین مهرالدین وزیر خارجه‌ی جمهوری تاجیکستان دیدار کند.
انتهای پیام/ ر
