به گزارش اقتصادنیوز به نقل از ایسنا، عمران خان، نخست‌وزیر پاکستان با انتشار پیامی در حساب توئیتر خود اعلام کرد که اسلام‌آباد برای تشکیل یک دولت فراگیر شامل تاجیک‌ها، هزاره‌ها و ازبک‌ها در افغانستان با طالبان مذاکرات را آغاز کرده است.
عمران خان این تصمیم را پس از دیدار خود با سران کشورهای همسایه افغانستان به‌ویژه امامعلی رحمان، رئیس‌جمهور تاجیکستان در دوشنبه اتخاذ کرده است.
نخست‌وزیر پاکستان در پیام خود تصریح کرد که پس از درگیری‌های ۴۰ ساله، دولت فراگیر به برقراری صلح و ثبات در افغانستان کمک کرده و این امر هم به نفع کابل و هم منطقه است.
عمران خان نوشته است: پس از مذاکرات در دوشنبه با رهبران همسایگان افغانستان و به ویژه گفتگوی طولانی با امامعلی رحمان، رئیس جمهور تاجیکستان، من با طالبان گفت وگو کرده‌ام تا دولت افغانستان شامل تاجیک‌ها، هزاره‌ها و ازبک‌ها شود.
